A Fundación Fútbol Sala Galego (FFSG) e Special Olympics Galicia unen esforzos novamente en prol do deporte inclusivo.

Da man dos seus presidentes, Juan Ángel Probaos Martín por parte da Fundación Fútbol Sala Galego e Eladio Fernández Pérez representando a Special Olympics Galicia, materializouse este mércores un novo acordo no que ambas entidades se alían para levar a cabo programas de acción social, onde o deporte inclusivo pasa a ser o protagonista.

Coa sinatura deste convenio, dase continuidade á colaboración de ambas institucións na posta en marcha de actividades deportivas que promovan a práctica do fútbol sala e do fútbol sala unificado entre as persoas con discapacidade intelectual. Como parte destas actividades, a Fundación Fútbol Sala Galego colaborará tamén nas Ligas promovidas por Special Olympics Galicia, nas que participan persoas con discapacidade intelectual de entidades de toda Galicia.

Durante a sinatura do novo Convenio, Juan Ángel Probaos agradeceu a Special Olympics Galicia a “confianza” depositada na FFSG que el preside, e recalcou o compromiso por parte da Fundación de colaborar activamente na posta en marcha de actividades de interese social e deportivo, como as que ven desenvolvendo cada ano Special Olympics Galicia”.

Pola súa banda, o presidente de Special Olympics Galicia, agradeceu a disposición amosada pola Fundación “para dar continuidade a este proxecto común, que esperamos sexa un paso máis á hora de axudar á inclusión das persoas con discapacidade intelectual, así como a poñer en valor os beneficios da práctica deportiva entre o colectivo ”.

O alcalde do Concello de Vilagarcía D. Alberto Varela, presentou esta mañá o programa dos 23 Xogos de Deportes Minoritarios, acompañado por Dna Consuelo Besada, representando á Deputación de Pontevedra, D. Eladio Fernández, presidente de Special Olympics Galicia, e D. Xosé Luis Queiruga, vicepresidente de CON ELES. Xunto a eles, tamén participaron na rolda de presentación, 2 deportistas da entidade anfitriona de CON ELES que competirán o sábado nos Xogos Autonómicos.